काठमाडौं । राष्ट्रियसभाको बैठक आज बुधबार दिउँसो १:१५ बजे सिंहदरबारमा बस्ने भएको छ ।बैठकमा अध्यक्ष नारायणप्रसाद दाहालले प्रधानमन्त्री तथा मन्त्रिपरिषद्को कार्यालयबाट प्राप्त पत्रको जानकारी गराउने कार्यसूची रहेको छ ।त्यसैगरी, परराष्ट्र मन्त्री शिशिर खनाल तथा संस्कृति, पर्यटन तथा नागरिक उड्डयन मन्त्री खडक राज पौडेलले आफ्ना मन्त्रालयसँग सम्बन्धित मौखिक प्रश्नहरूको जवाफ दिनेछन् ।यस्तै, राष्ट्रियसभा सदस्य रेनु चन्दले प्रविधिको प्रयोगमार्फत हुने लैङ्गिक हिंसा रोकथाम, नियन्त्रण तथा महिलाको हक संरक्षण र न्यायमा पहुँच सुनिश्चित गर्न आवश्यक नीतिगत, कानुनी र संस्थागत व्यवस्था प्रभावकारी रूपमा कार्यान्वयन गर्नुपर्ने विषयमा सङ्कल्प प्रस्ताव प्रस्तुत गर्ने कार्यसूची रहेको छ ।